Uji Qafshtama operon me një fabrikë moderne në industrinë ushqimore, e specializuar në prodhimn dhe paketimin e ujit të pijshëm me përmbajtje të lartë magnezi. E pozicionuar në një zonë malore të Shqipërisë, kjo gëzonte një peizazh unik por njëkohësisht sillte sfida të vështira logjistike për mirëmbajtjen e fluksit të përditshëm të prodhimit.

Përpara projektit tonë, azoti në fabrikë sigurohej ekskluzivisht med bombula të jashtme. Kjo sillte një logjistikë tepër sfiduese për shkak të terrenit të vështirë malor, si dhe kosto jashtëzakonisht të larta për transportin dhe sigurimin e furnizimit të vazhdueshëm në kohë.

Përveç kostove, ekzistonte një paqëndrueshmëri e vazhdueshme në cilësinë e azotit, sidomos kur bombulat afroheshin drejt konsumit të tyre të plotë. Mungesa e një monitorimi apo kontrolli në kohë reale rriste pasigurinë mbi pastërtinë reale të gazit.

Ky menaxhim tradicional krijonte gjithashtu një rrezik të përhershëm për ndërprerjen e papritur të të gjithë linjës së prodhimit. Fabrika kishte nevojë emergjente për një zgjidhje të sigurt, efikase dhe me një kthim nga investimi (ROI) plotësisht të matshëm në afatgjatë.

Pas analizave të thelluara dhe matjeve precize në terren, Airblock, në bashkëpunim të ngushtë me inxhinierin e fabrikës Qafshtama, propozoi dhe zbatoi ndërtimin e një sistemi modern për prodhimin e azotit direkt në vend (On-Site Generator) përmes teknologjisë PSA.

Ky projekt dëshmon transformimin e një sfide të madhe logjistike dhe teknologjike në një avantazh të pastër konkurrues, me impakt të menjëhershëm në cilësinë e produktit final, efikasitetin e linjës dhe besueshmërinë operative.